طالبان توزیع پاسپورت در کنسول‌گری افغانستان در اوزبیکستان را آغاز کردند
- انتشار: ۱۸ میزان ۱۴۰۲
- سرویس:
- شناسه مطلب: 156250
وزارت امور خارجه طالبان می‌گوید که روند چاپ و توزیع پاسپورت در کنسول‌گری افغانستان در شهر ترمذ اوزبیکستان را آغاز کرده‌اند.
ضیااحمد تکل، معاون سخنگوی وزارت خارجه طالبان روز سه‌شنبه، ۱۸ میزان، با نشر پیامی در شبکه ایکس نوشته است که تلاش می‌کنند تا دسترسی قانونی را برای شهروندان و اتباع بین‌المللی به خدمات کنسولی در سراسر جهان ممکن و آسان کنند.
وی تصریح کرده که این اقدام‌ها با همکاری اوزبیکستان صورت گرفته است.
طالبان پیش از این صدور پاسپورت به شهروندان افغانستان در ایران را آغاز کرده بودند.
این در حالی است که شهروندان در داخل کشور از کند بودن روند توزیع پاسپورت شکایت دارند.
نظرات(۰ دیدگاه)