تاجیکستان به ایجاد بازار مشترک در مرز با افغانستان ابراز علاقه کرد

  • انتشار: ۲۷ عقرب ۱۴۰۵
  • سرویس: اقتصاد
  • شناسه مطلب: 286391

تاجیکستان در دیدار سفیر این کشور در کابل با رئیس عمومی اتاق تجارت و سرمایه‌گذاری افغانستان، به ایجاد بازار مشترک در امتداد مرز دو کشور ابراز علاقه کرده است.

بر اساس خبرنامه اتاق تجارت و سرمایه‌گذاری افغانستان، سعدی شریفی، سفیر تاجیکستان، در دیدار با سید کریم هاشمی گفت که رهبری کشورش خواهان گسترش همکاری‌های اقتصادی با افغانستان و فراهم‌سازی زمینه فعالیت مشترک تاجران دو کشور است.

به گفته سفیر تاجیکستان، بازار مشترک مرزی می‌تواند فرصت‌های بیشتری برای دادوستد و تعاملات اقتصادی شهروندان و بازرگانان دو کشور فراهم کند. دو طرف همچنین درباره افزایش همکاری‌های دوجانبه و ایجاد فرصت‌های تازه برای تاجران و سرمایه‌گذاران گفت‌وگو کردند.

رئیس عمومی اتاق تجارت و سرمایه‌گذاری افغانستان نیز پیشنهاد کرد که در گام نخست، زمینه سفر هیأتی متشکل از دست‌کم ۱۰ تاجر افغانستانی به تاجیکستان فراهم شود تا با فرصت‌های تجارتی و سرمایه‌گذاری آن کشور آشنا شوند.

نظرات(۰ دیدگاه)

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *