حامد کرزی حمله‌های هوایی پاکستان بر سه ولایت را محکوم کرد

حامد کرزی، رئیس‌جمهور پیشین افغانستان، حمله‌های هوایی صبح امروز پاکستان بر ولایت‌های کندهار، خوست و پکتیا را محکوم کرده و گفته است اسلام‌آباد همچنان به سیاستی ادامه می‌دهد که به گفته او پیامدهای آن اکنون به خود پاکستان نیز رسیده است.

او در صفحه اېکس خود نوشته است که پاکستان باید بداند افغانستانی‌ها، بدون در نظرداشت هرگونه تفاوت، در برابر این حمله‌ها یک‌پارچه و متحد ایستاده‌اند.

کرزی همچنین یک‌بار دیگر از حکومت پاکستان خواسته است که در قبال افغانستان راه حسن هم‌جواری را در پیش بگیرد.

کندهار، خوست و پکتیا از ولایت‌های هم‌مرز یا نزدیک به خط دیورند به شمار می‌روند و در سال‌های گذشته نیز تنش‌های امنیتی و نظامی در این ساحات بارها سبب افزایش نگرانی‌ها میان دو کشور شده است.