طالبان از پایان تنش مرزی میان تاجیکستان و قرقیزستان استقبال کردند

طالبان از پایان تنش‌های طولانی‌مدت مرزی میان تاجیکستان و قرقیزستان استقبال کرده‌اند.

وزارت خارجه طالبان روز شنبه، ۲۵ حوت، در بیانیه‌ای گفته است که این گروه از توافق نشانه‌گذاری مرزی میان تاجیکستان و قرقیزستان حمایت می‌کند.

به گفته طالبان، این توافق سبب رشد اقتصادی در آسیای مرکزی خواهد شد.

طالبان تأکید کرده‌اند که از صلح و همکاری‌های پایدار در آسیای میانه حمایت می‌کنند.

دو روز پیش امام‌علی رحمان، رییس جمهور تاجیکستان و همتای قرقیزستانی خود توافق تعیین مرز را امضا کرده و به تنش‌های طولانی مدت پایان دادند.

این در حالی است که به دلیل درگیری میان طالبان و نیروهای پاکستانی، نزدیک به سه هفته می‌شود که گذرگاه تورخم مسدود است.

هرچند طالبان مشروعیت ملی و بین‌المللی ندارند، اما در مورد تحولات جهانی و منطقه‌ای ابراز نظر می‌کنند.