تاجیکستان از ایجاد ۷۵ پاسگاه در مرز با افغانستان خبر می‌دهد
- انتشار: ۹ جدی ۱۴۰۲
- سرویس: بین المللسیاست
- شناسه مطلب: 166319
تاجیکستان بار دیگر بر تامین بیشتر امنیت مرزهایش با افغانستان تاکید کرده است.
امام علی رحمان رییس‌جمهور تاجیکستان اخیرا در نشستی گفته است که ۷۵ پاسگاه امنیتی را در یک سال پسین در مرز با افغانستان ایجاد کرده است.
امام علی رحمان گفته است: «در یک سال ۷۵ دیدبان‌گاه‌های سرحدی به درجه عالی در سرحد تاجیکستان و افغانستان بنیاد کرده شد.»
اما حکومت گروه طالبان تاکید می‌ورزد که خاک افغانستان امن است و کشورها نباید در این باره نگرانی داشته باشند.
ذبیح‌الله مجاهد سخن‌گوی این گروه به طلوع‌نیوز گفت: «ایجاد پوسته‌ها در کشورهای دیگر ارتباط به معلومات همان کشور و نیازمندی همان کشور می‌گیرد چیزی که مسلم و ثابت است این است که از خاک افغانستان به هیچ کس تهدید نیست.»
پیش از این، رییس ستاد مشترک سازمان پیمان امنیت جمعی ادعا کرده بود که شمال افغانستان یک تهدیدی برای کشورهای عضو این سازمان است و اعضای ستاد مشترک پیمان امنیت جمعی در حال رای‌زنی برای مهار تهدید هراس‌افگنی از خاک افغانستان هستند.
نظرات(۰ دیدگاه)