وزیر تجارت طالبان: سرمایه گذاران باید به افغانستان برگردند

وزیر صنعت و تجارت طالبان بار دیگر از تاجران و سرمایه‌گذاران افغانستان خواست به کشور بازگردند.

به گزارش خبرگزاری اطلس به نقل از شفقنا افغانستان، نورالدین عزیزی، سرپرست وزارت صنعت و تجارت حکومت طالبان در مراسم افتتاحیه «سیزدهمین نمایشگاه بین‌المللی تقویت روند اقتصاد افغانستان» گفت: از تاجران و سرمایه‌گذاران کشورم درخواست می‌کنم تا به خانه و کاشانه خود برگردند.

گفتنی است سیزدهمین نمایشگاه بین‌المللی تقویت روند اقتصاد افغانستان امروز سه‌شنبه با حضور مقامات دولت موقت طالبان و بازرگانان افغان و با همت اتحادیه تاجران و سرمایه‌گذاران و با هماهنگی وزارت صنعت و تجارت و وزارت اطلاعات و فرهنگ در کابل افتتاح شد.