کمیسیون حقوق بشر پاکستان: از بدرفتاری با مهاجران افغانستانی وحشت‌زده شدیم

کمیسیون حقوق بشر پاکستان، می‌گوید که از بدرفتاری با مهاجران افغانستانی در اسلام‌آباد، بلوچستان و خیبرپشتون‌خواه، وحشت‌زده شده است.

این کمیسیون، در صفحه‌ ایکس خود نوشته است که با وجود خواست‌های جامعه‌ مدنی و نهادهای بین‌المللی مهاجرت، حکومت پاکستان مهاجران افغانستانی را اخراج و قوانین بین‌المللی را نقض می‌کند.

کمیسیون حقوق بشر پاکستان، یک‌بار دیگر از حکومت این کشور خواسته است که در مورد تصمیم اخراج اجباری مهاجران افغانستانی تجدید نظر کند.

براساس گزارش‌های پولیس پاکستان شماری از مهاجران را طی هفته‌های پسین لت‌وکوب کرده و به بهانه‌های مختلف از آنان پول می‌گیرد.