نیروهای مرزی تاجیکستان بخش‌هایی از جنگلات ولسوالی‌های دشت‌قلعه و درقد تخار را آتش زدند

منابع محلی در تخار می‌گویند که نیروهای مرزی تاجیکستان بخش‌هایی از جنگلات ولسوالی‌های دشت‌قلعه و درقد این ولایت را آتش زنده‌اند.

منابع روز شنبه، ۴ حمل می‌گویند که نیروهای مرزی تاجیکستان این کار را به منظور جلوگیری از ورود قاچاقچیان مواد مخدر و گروه‌های مسلح از خاک افغانستان به آن کشور انجام داده‌اند.

منابع می‌افزایند که همواره از این مسیر در روستای بوستان ولسوالی درقد و بخشی‌های از ولسوالی دشت‌قعله ولایت تخار، مواد مخدر داخل خاک تاجیکستان شده و در مواردی هم سبب درگیری نیروهای مرزی آن کشور با قاچاقچیان می‌شود.

از جانبی، منابع می‌افزایند که این اقدام نیروهای تاجیکستان باعث آلوده‌گی و تخریب محیط زیست شده و بیش‌ترین آتش‌سوزی در داخل خاک افغانستان صورت گرفته است.

طالبان تا کنون در این مورد چیزی نگفته‌اند.

گفنتی است که ولسوالی‌های درقد، دشت قلعه، خواجه‌بهاوالدین، چاه‌آب و خواجه‌غار تخار با تاجیکستان هم‌مرز هستند.

پیش از این، تاجیکستان همواره از انتقال مواد مخدر و «تروریستان» از خاک افغانستان زیر اداره طالبان ابراز نگرانی کرده است.