طالبان کارمندان زن وزارت مالیه را از حضور در محل کار منع کرد

وزارت مالیه دولت طالبان در اطلاعیه‌ای گفته است که تمام کارمندان این وزارتخانه از امروز باید به وظایف شان حاضر شوند، اما کارمندان زن از این امر مستثنی هستند.

طبق اطلاعیه وزارت مالیه همه مسئولین و کارمندان این اداره از امروز شنبه به وظیفه هایشان حاضر و امور کاری خود را به پیش ببرند.

در اعلامیه وزارت مالیه آمده است: در صورتی که روسا و کارمندان این وزارتخانه تا دوشنبه ٢٢ سنبله به وظایف خویش حاضر نشوند، از تاریخ اول سنبله غیرحاضر محسوب می‌شوند.

این وزارتخانه افزوده است که کارمندان زن تا آماده شدن محیط مناسب کاری از این اطلاعیه مستثنی هستند.

به گفته‌ وزارت مالیه دولت طالبان، در ولایت کابل وقت‌های کاری ادارات مرکزی به گونه موقت از ساعت ٨ صبح الی ١٢ ظهر می‌باشد. اما وقت‌های کاری ادارات گمرکات ولایت‌ها مثل سابق از ساعت ٨ صبح الی ۴ عصر می‌باشد.