شش شبکه آب‌رسانی به ارزش ۳۷ میلیون افغانی در پروان به بهره‌برداری سپرده شد
- انتشار: ۱۱ ثور ۱۴۰۲
- سرویس: اقتصاد
- شناسه مطلب: 136776
مسوولان محلی طالبان در پروان می‌گویند که شش پروژه شبکه آب‌رسانی به ارزش ۳۷ میلیون افغانی، به کمک مالی سازمان ملل متحد و همکاری تخنیکی موسسه «داکار» به بهره‌برادری رسیده است.
عبدالصمد صادق، رییس احیا و انکشاف دهات تحت کنترل طالبان در ولایت پروان، گفته است که این پروژه‌ها روز دوشنبه، ۱۱ ثور، در کلینیک‌های صحی ولسوالی‌های سیاه‌گرد، شینواری، سالنگ، بگرام، کوه‌صافی و منطقه تتم‌دره مرکز این ولایت تطبیق شده‌اند.
با بهره‌برداری این پروژه‌ها، دست‌کم ۳۷۶ خانواده به آب آشامیدنی دسترسی پیدا کرده‌اند.
در همین حال، شماری از باشنده‌گان پروان، خواستار گسترش پروژه‌های انکشافی در این ولایت‌اند.
این شبکه‌‌های آب‌رسانی در حالی در ولایت پروان ایجاد شده که پیش از این شماری از ساکنان محلی این ولایت، از نبود آب آشامیدنی صحی شکایت کرده بودند.
نظرات(۰ دیدگاه)