دیدار نماینده ویژه سازمان همکاری‌های اسلامی برای افغانستان با وزیر خارجه تاجیکستان
- انتشار: ۲۱ دلو ۱۴۰۲
- سرویس: تیتر 2سیاست
- شناسه مطلب: 171694
سازمان همکاری‌های اسلامی اعلام کرده که نماینده ویژه‌اش برای افغانستان با وزیر امور خارجه تاجیکستان درباره موضوعات مختلف از جمله افغانستان گفتوگو کرده است.
این دیدار میان طارق علی بخیت و سراج‌الدین مهر‌الدین روز جمعه، ۲۰ دلو، در شهر دوشنبه، پایتخت تاجیکستان انجام شده است.
بربنیاد اعلامیه سازمان همکاری‌های اسلامی، دو طرف در این دیدار درباره همکاری‌های مشترک برای حمایت از مردم افغانستان گفتوگو کرده‌اند.
افزون بر این، سازمان همکاری‌های اسلام و تاجیکستان بر ادامه تلاش‌ها در زمینه همکاری فرهنگی، اجتماعی و بشردوستانه میان این سازمان و تاجیکستان تاکید کرده‌اند.
با این وصف، جزییات بیشتر این گفتوگو هنوز مشخص نشده است.
تاجیکستان در همسایه‌گی افغانستان پس از تسلط طالبان روابط چندان خوبی با این گروه ندارد و یگانه کشوری است که برخلاف پاکستان، چین، ایران و اوزبیکستان سفارت افغانستان در دوشنبه را به طالبان واگذار نکرده است.
هرچند نشانه‌هایی از روابط این کشور با قنسولگری طالبان در خاروق وجود دارد که تمایل دوشنبه به راه آمدن با این گروه را بیان می‌کند.
نظرات(۰ دیدگاه)