تاکید طالبان بر استفاده از تجربه کشورهای دیگر برای رشد تحصیلات عالی افغانستان

مقامات طالبان می‌گویند برای رشد تحصیلات عالی کشور باید از تجربه کشورهای دیگر استفاده شود.

مولوی عبدالکبیر، معاون سیاسی و سرپرست ریاست‌الوزرای طالبان رشد سکتور تحصیلات عالی را نیاز عصر کنونی خوانده و تاکید کرده که برای توسعه مؤسسه‌های تحصیلات عالی در کشور، باید از تجربه‌های کشورهای دیگر استفاده شود.

بر اساس یک اعلامیه حکومت طالبان، مولوی عبدالکبیر در دیدار با ندا محمد ندیم، سرپرست وزارت تحصیلات عالی این گروه گفته است که این وزارت باید برای تقویت و رشد دانشگاه‌های خصوصی، به‌گونه اساسی کار کند.

به گفته منبع، سرپرست وزارت تحصیلات عالی طالبان گفته است که گام‌های مهمی به‌هدف ارتقای سطح علمی دانشگاه‌ها برداشته شده است.