برگزاری یازدهمین دور گفت‌وگوهای امنیتی هرات در تاجیکستان
- انتشار: ۵ قوس ۱۴۰۲
- سرویس: تیتر 2سیاست
- شناسه مطلب: 161901
یازدهمین دور گفت‌وگوهای امنیتی هرات فردا (دوشنبه، ۶ قوس) در تاجیکستان آغاز می‌شود.
این نشست تا دو روز در شهر دوشنبه، پایتخت تاجیکستان، ادامه خواهد داشت.
یازدهمین دور این نشست امنیتی زیر نام «بازخوانی افغانستان؛ راهکارهای متفاوت» برگزار خواهد شد.
شماری از مهمانان دعوت شده به این نشست به تاجیکستان رفته‌اند.
منابع می‌گویند که امیر اسماعیل خان، رهبر پیشین جهادی نیز برای اشتراک در این نشست وارد تاجیکستان شده است.
در نشست امنیتی هرات قرار است نمایند‌گانی از کشورهای مختلف آسیایی روی وضعیت امنیتی افغانستان و منطقه، تشکیل دولت فراگیر و وضعیت حقوق بشر در افغانستان صحبت کنند.
پیش از تسلط طالبان بر افغانستان، نشست امنیتی هرات همه‌ساله در داخل کشور برگزار می‌شد.
دهمین نشست امنیتی هرات روز دوشنبه، ۷ قوس، سال پار در تاجیکستان برگزار شد.
در آن نشست نزدیک به ۲۰۰ اشتراک‌کننده از اروپا، امریکا و آسیا بر تشکیل دولت مشارکتی موقت و رعایت حقوق بشر به‌ویژه حقوق زنان در افغانستان تأکید کردند
نظرات(۰ دیدگاه)