کوچ اجباری شهروندان دایکندی توسط افراد وابسته به طالبان

کاربران شبکه‌های اجتماعی اخیرا ویدئویی را به اشتراک می‌گذارند که نشان می‌دهد شهروندان هزاره در برخی ولسوالی‌های ولایت دایکندی، توسط افراد وابسته به طالبان وادار به کوچ اجباری شده اند.

در این ویدئوها، شهروندان محل مدعی شده اند که افراد وابسته به مقام‌های محلی طالبان در دایکندی، تلاش دارند تا زمین‌ها و املاک شخصی آنان را تصرف کنند.

بر اساس ادعای شهروندان دایکندی، به آن‌ها گفته شده که تا ۹ روز دیگر خانه‌های خود را تخلیه و به محلات دیگر کوچ کنند.

با این حال، مسئولان محلی طالبان برای ولایت دایکندی اعلام کرده اند که تحقیقات خود را در زمینه آغاز کرده‌اند و اگر ثابت شود که چنین مشکلی وجود داشته، به آن رسیدگی خواهد شد.