۶۶ مهاجر افغانستانی از زندان‌ کویته پاکستان آزاد شدند

وزارت مهاجران و عودت‌کننده‌گان طالبان از آزادی ۶۶ مهاجر افغانستانی از زندان کویته پاکستان خبر داده است.

این وزارت روز سه‌شنبه، ۲۰ سنبله، گفته است که این افراد به دلیل نداشتن مدرک قانونی زندانی شده بودند.

به گفته این وزارت، مهاجران افغانستانی از پنج روز تا یک سال به حبس محکوم شده بودند.

این مهاجران در زندان کویته بلوچستان زندانی بودند.

دولت پاکستان از سال‌ها به این‌سو مهاجران افغانستانی بدون مدرک قانونی را به‌شمول کودکان، زندانی می‌کند.