مهاجران افغانستانی در تاجیکستان: از ترس پولیس در حبس خانه‌گی به سر می‌بریم
- انتشار: ۳۰ جدی ۱۴۰۳
- سرویس: اخبار مهاجرین
- شناسه مطلب: 211043
شماری از مهاجران افغانستانی در تاجیکستان از ادامه اخراج اجباری پناهنده‌گان از این کشور ابراز نگرانی دارند.
به نقل از ۸صبح؛ سه تن از آنان شنبه‌شب، ۲۹ جدی، به فرستادن پیام‌هایی به روزنامه ۸صبح گفتند که پناهنده‌گان افغانستانی در تاجیکستان از ترس اخراج اجباری در خانه‌های خود در «قرنطینه» به سر می‌برند.
به گفته این مهاجران، پولیس تاجیکستان پناهنده‌گان افغانستانی را به‌طور گروهی از کوچه و پس‌کوچه‌ها شناسایی کرده و اخراج می‌کند.
بیش‌تر این پناهنده‌گان در شهرک «وحدت» در حومه دوشنبه زنده‌گی می‌کنند.
در ماه دسامبر سال گذشته دفتر کمیساری عالی سازمان ملل در امور پناهنده‌گان نیز از اخراج اجباری مهاجران افغانستانی ابراز نگرانی کرده بود.
با این حال، نصرت‌الله محمدزاده، سخنگوی وزارت داخله تاجیکستان، گفته بود که آنان تنها افرادی را اخراج می‌کنند که قوانین مهاجرتی را رعایت نکنند.
نظرات(۰ دیدگاه)