قرارداد واردات برق از تاجیکستان به افغانستان برای سال ۲۰۲۵ تمدید شد

شرکت برق افغانستان (برشنا) که از سوی طالبان اداره می‌شود، اعلام کرده که قرارداد واردات برق تاجیکستان به کشور برای یک سال دیگر تمدید شده است.

برشنا روز دوشنبه، ۵ قوس، با نشر بیانیه‌ای نگاشته که این قرارداد میان عبدالباری عمر، رییس اجرایی شرکت برق افغانستان زیر سلطه طالبان و محمدعمر عیسا‌زاده، رییس شرکت سهامی برق تاجیکستان، امضا شده است.

طالبان جزییات بیش‌تر در این مورد ارایه نکرده‌اند.

مقام‌های تاجیکستانی نیز هنوز در این مورد چیزی نگفته‌اند.

تاجیکستان طی بیش از سه سال گذشته برخلاف سایر کشورهای همسایه روابط خوبی با طالبان ندارد.

گفتنی است که افغانستان در حال حاضر به حدود یک هزار و ۵۰۰ میگاوات برق نیاز دارد که ۷۰ درصد آن از اوزبیکستان، ترکمنستان، تاجیکستان و ایران وارد می‌شود.