طالبان مکتب‌های ولایت سردسیر را از فردا تا ۱۲ سرطان رخصت کردند

وزارت معارف طالبان اعلام کرده است که مکتب‌های دولتی و خصوصی ولایت‌های سردسیر، سر از فردا تا ۱۲ سرطان سال روان رخصت می‌باشند.

این وزارت روز دوشنبه، ۲۹ جوزا، با ارسال مکتوبی نوشته است که این تصمیم براساس پیشنهاد اداره محلی و ریاست‌های معارف ولایات به‌دلیل عید قربان و هوای گرم گرفته شده است.

به گفته وزارت معارف طالبان، معلمان و کارمندان اداری مکاتب رخصت نمی‌باشند و باید به وظایف خود حاضر باشند.

این وزارت افزوده است که پس از ختم رخصتی امتحانات چهارونیم ماهه شاگردان آغاز خواهد شد.

گفتنی است که در روزهای اخیر دمای هوا در شماری از ولایات به‌شمول کابل بالا رفته است و درجه حرارت امروز در کابل، ۳۱ درجه سانتی‌گرید بود.