اشرف غنی با صدراعظم و رئیس مجلس نمایندگان تاجیکستان دیدار کرد

اشرف غنی، رئیس جمهور در دوشنبه در ادامه دیدارهای خود با مقام‌های تاجیکستان با صدراعظم و رئیس مجلس نمایندگان این کشور دیدار کرد.

در این دیدار، هر دو جانب در خصوص گسترش مناسبات میان دو کشور در عرصه‌های امنیتی، اقتصادی، تجاری، ترانزیتی و فرهنگی بحث و تبادل نظر و بر تقویت دیدگاه مشترک افغانستان و تاجیکستان در راستای گسترش همکاری‌های منطقه‌ای تاکید کردند.

اشرف غنی در دوشنبه با امام علی رحمان، رئیس جمهور تاجیکستان نیز دیدار کرده است.

در حضور سران دو کشور پنج تفاهمنامه همکاری در بخش‌های مختلف میان افغانستان و تاجیکستان امضا شد.