برشنا او د ایران سفیر د نوې انرژۍ ګډو همکاریو ته ژمن دي
د برشنا شرکت اجرائیه رئیس ډاکټر عبدالباري عمر د ایران له سفیر عليرضا بیکدلي سره په کابل کې ولیدل او د نوې او پاکې انرژۍ په برخه کې د ګډو همکاریو پر پراختیا ټینګار وکړ. برشنا شرکت ویلي، په دې لیدنه کې دواړو لوریو د دوامدارې انرژۍ د تولید په برخه کې د تخنیکي همکاریو او ګډو پانګونو فرصتونه ارزولي دي.
ښاغلي عمر ویلي، په افغانستان کې د نوې انرژۍ پر برخه کې پانګونه زیاته شوې او د داخلي منابعو پراختیا او د تجهیزاتو تولید ته اړتیا مهمه ده. ده زیاته کړې، دغه برخه کولی شي د بهرنیو منابعو پر کمېدو او ټول هېواد ته د برېښنا د برابرولو کې مهم رول ولوبوي.
له دې بحثونو سره، د ایران سفیر هم د ایران او افغانستان ترمنځ پر فرهنګي او تمدني اشتراکاتو ټینګار کړی او د دوه اړخیزو همکاریو د پیاوړتیا غوښتنه یې کړې ده. نوموړي ډاډ ورکړی چې ایران چمتو دی د ټولو بخشونو په ګډون د افغان تخنیکي انجنیرانو لپاره د ویزو د ورکړې بهیر اسانه کړي.
دا په داسې حال کې ده چې د طالبانو اداره د انرژۍ د بنسټیزو چارو د پراخولو ژمنې کړې، خو تر اوسه یې د شفاف، دوامدار او اوږدمهاله پانګونې لپاره لازم شرایط نه دي برابر کړي. د روڼې پالیسۍ نشتوالی، نړیوال انزوا، او د پروژو په مدیریت کې ناتواني، هغه لوی خنډونه ګڼل کېږي چې د افغانستان د نوې انرژۍ د سرچینو وده محدوده کړې ده.
