د ایران د بهرنيو چارو وزیر د افغانستان د شمال زلزله قربانیانو ته خواخوږۍ وښوده
د افغانستان په شمال کې د وروستۍ مرګونې زلزلې له امله، د ایران د بهرنيو چارو وزیر عباس عراقچي د دې پېښې له امله ژوره خواشیني څرګنده کړې او ویلي یې دي چې هېواد یې چمتو دی زلزله ځپلو سیمو ته ژر تر ژره بشري مرستې واستوي.
ښاغلي عراقچي، د سهشنبې په ورځ په «ایکس» (پخوانی ټویټر) کې په یوه پیغام کې له افغان ولس سره خپل همدردي ښودلې او وویل چې د زلزلې د تلفاتو او زیانونو له امله ژور خواشینی شوی دی. هغه د قربانیانو کورنیو ته د تسلیت مراتب وړاندې کړي او ټپیانو ته یې د عاجلې روغتیا دعا کړې ده.
د ایران چارواکي ټینګار کړی چې که همکاري او زمینه برابره شي، هېواد یې تیار دی چې شمالي افغانستان ته بیړنۍ بشري او مرستندویه مرستې واستوي.
یاده زلزله د یکشنبې په شپه شاوخوا یوه بجه په شمالي ولسوالیو کې رامنځته شوه، چې د راپورونو له مخې لږ تر لږه ۲۷ کسان یې وژلي او تر ۹۰۰ زیاتو نور یې ټپیان کړي دي.
که څه هم کورنۍ او نړیوالې مرستندویه ادارې ژر تر ژره د مرستو رسولو غوښتونکي شوي، خو د طالبانو اداره تر اوسه د اړتیا وړ خدماتو وړاندې کولو او د مرستو همغږۍ په برخه کې اغېزناک ځواب نهدی ورکړی. د مشروع حکومت د نشتون او مرستندویه ادارو محدود جوړښت د زلزله ځپلو د رسيدګۍ بهیر له ستونزو سره مخ کړی دی.
