امنیت او پېښېمهم خبرونه
په فراه ولايت کې د شپې ناڅاپي سېلابونو يو تن وژلی او څلور يې ټپيان کړي
د طالبانو د ادارې ځايي چارواکي وايي، په فراه ولايت کې د شپې ناڅاپي سېلابونه او بادونو لږ تر لږه يو تن وژلی او څلور تنه يې ټپيان کړي دي. دا پېښه د تېرې شپې پر مهال رامنځته شوې او ټپيان د درملنې لپاره روغتيايي مرکزونو ته لېږدول شوي دي.
د دغو چارواکو په وينا، د سختو بارانونو او بادونو له امله په يو شمېر سيمو کې سېلابونه راوتلي او د سيمې اوسېدونکو ته يې مالي زيانونه اړولي دي. تر اوسه د احتمالي تاوانونو کره شمېر او د نورو اغېزمنو سيمو حالت نه دی خپور شوی او ارزونې روانې دي.
