یو افغان وګړی په امریکا کې د یوې ښځینه سرتېري د وژنې په جرم محکوم شو
د متحده ایالاتو لویې څارنوالۍ یو ۲۹ کلن افغان وګړی رحمانالله لکنوال د امریکا د ملي ګارډ یوې ښځینه سرتېري سارا بکسټروم د وژنې په تور مجرم پېژندلی دی. دا پېښه د واشنګټن ښار کې شوې ده.
د امریکايي رسنیو د راپورونو له مخې، لکنوال د امریکا پر نظامي ځواکونو د ډزو تور لګول شوی او د قانوني څېړنو وروسته، هغه د عمدي وژنې په تور محکوم شوی دی. دغه قضیه د امریکا د ځايي چارواکو او رسنیو پراخ غبرګونونه راپارولي دي.
که څه هم د امریکا لویه څارنوالۍ هغه مجرم پېژندلی، خو رحمانالله لکنوال چې د محکمې مجازي غونډه يې له روغتون څخه تعقیبوله، دغه تورونه رد کړي او ځان يې بېګناه اعلان کړی دی.
دا موضوع په داسې حال کې د امریکايي رسنیو پام ځانته اړولی چې په وروستیو کې د افغان کډوالو سره په لویدیځو هېوادونو کې، په ځانګړې ډول د طالبانو د بیا واکمنۍ وروسته، ناعادلانه چلندونه زیات شوي دي. که څه هم انفرادي جرمونه باید په جلا ډول وڅېړل شي، خو د طالبانو د ادارې لهخوا رامنځته شوې بېثباتۍ او فشارونو ګڼ افغانان اړ کړي چې له وطنه مهاجرت وکړي او په کوربه هېوادونو کې له حقوقي او ټولنیزو ستونزو سره مخ شي.
