د امریکا د وسلو یو بار وړونکی الوتکه د سوریې په شمال ختیځ کې کښته شوه
د سوریې د بشري حقونو د څار ډلې د راپور له مخې، یوه الوتکه چې د امریکایي وسلو، برېښنایي تجهیزاتو او یو شمېر پوځیانو بار یې لېږداوه، د دوشنبې په شپه د میزان میاشتې په ۲۷مه، د سوریې د حسکې ولایت په شمال کې، د رمیلان ښارګوټي ته څېرمه په خراب الجیر پوځي هوايي ډګر کې ناسته کړې ده. دا انتقال د یوه پوځي هیليکوپتر په ملتیا ترسره شوی او د نړیوال ائتلاف د پرلهپسې خوځښتونو یوه برخه بلل شوې ده.
دا د روانې میاشتې دویم ځل دی چې د امریکایي وسلو یو الوتکه یاد هوايي ډګر ته راځي. له دې وړاندې، د میزان میاشتې په ۲۱مه، ورته الوتکه له دوو پوځي هیليکوپترو سره چې د هوايي دفاع تجهیزاتو او درنو وسلو بارونه یې لېږدول، په همدې هوايي ډګر کې کښته شوې وه. خراب الجیر هوايي ډګر هغه سیمه کې موقعیت لري چې د امریکا په مشرۍ د نړیوال ائتلاف تر نفوذ لاندې راځي، هغه ائتلاف چې له کلونو راهیسې د داعش پر ضد د محلي ځواکونو ملاتړ کوي.
همداراز، د سوریې جنوبي ولایت قنیطره کې سیمهییزو سرچینو له نوو نظامي خوځښتونو او نفوذ څخه خبر ورکړی، چې د نیواکګر اسراییلي رژیم له لوري ترسره شوي. د راپورونو له مخې، اسراییلي ځواکونو څو ځله د څو ساعتونو په موده کې د تلاحمر او اوفانیا کلي سیمې ته ننوتلي دي. همدارنګه، د یاد رژیم سرتېرو د کوم محیرس کلي پر سړکونو د تلاشۍ پوستې جوړې کړې او د خلکو تګ راتګ یې تر څار لاندې راوستی دی.
د المیادین ټلوېزیون د راپور له مخې، اسراییلي رژیم د اشغال شوي جولان په شمال کې، د جباثا الخشب په سیمه کې د نوي پوځي مرکز په شااوخوا کې ماینونه ښخ کړي، ترڅو د مرکزه ساتنه وشي او خلکو ته د نږدې کېدو مخه ونیول شي. دا ټول اقدامات د اسراییل له هغې استراتیژیکې برنامې برخې ګڼل کېږي چې غواړي د سوریې پر جنوبي سیمو د خپل پوځي کنټرول کچه لوړه کړي.
له هغه مهاله چې په سوریه کې د پخوانۍ حکومت نسکورېدل پېل شوي، اسراییل په پرلهپسې ډول د سوریې جنوب کې نظامي، هوايي او تخریبي عملیات ترسره کړي او په جولان، قنیطره، درعا او د دمشق شاوخوا سیمو کې خپل حضور پراخ کړی دی. د نړیوالې ټولنې چوپتیا په وړاندې د دغو اقداماتو په اړه، د سیمهییزو څارونکو او د بشري حقونو له سازمانونو څخه پراخې اندېښنې راپورته شوې دي.
