په امريکا کې د «مينوټمن-۳» بالستيک توغندي ازموينه ترسره کېږي
د امريکا د ولسمشر ډونالډ ټرمپ په امر، چې د اټومي ازموینو د بېرته پيلېدو هدایت یې ورکړی، د دغه هېواد پوځ پلان لري چې د «مينوټمن-۳» قارهپېما بالستيک توغندی د کليفورنيا په ايالت کې له وندنبرګ فضايي اډې څخه وتوغوي.
د امريکايي نظامي چارواکو په وينا، دا ازموينه به د سې شنبې شپې مهال د ځایي وخت له مخې ترسره شي او ياد توغندی به اټومي سرګلوی ونه لري. د «سپېس لانچ ډلتا ۳۰» فضايي اډې چارواکو دا توغول د یوه «معمولي» پروګرام برخه بللې چې کلونه وړاندې پلان شوی و.
خو د ولسمشر ټرمپ له خوا د اټومي ازموینو د بیا پیلولو نوی فرمان، نړیوالو برخو او د افغانستان خلکو کې پراخې اندېښنې راپارولي، چې لویو طاقتمنو هېوادونو ترمنځ د پوځي سیالیو په اړه اندېښنې زیاتې شوي دي. د امريکا ولسمشر ويلي، دا پرېکړه یې د ځېنو نورو هېوادونو د ورته ازموینو په ځواب کې کړې څو «تعادل وساتل شي».
د نیوزویک مجلې د يوه راپور له مخې، ټاکل شوې چې د يادې ازموینې توغندی له وندنبرګ څخه د «رونالد ریګان» توغندیز دفاعي مرکز پر لور وتوغول شي چې د کواجالین په ټاپو کې موقعیت لري. دغه سیمه د امریکا له بهرنیو دفاعي تاسیساتو سره تړاو لري.
د امریکایي ساینسپوهانو فدراسیون معلومات ښيي چې د امريکا هوايي ځواک تر ۴۰۰ پورې د دغه ډول توغندیو زېرمې د کولورادو، مونټانا، نبراسکا، وایومینګ او شمالي ډاکوټا په ایالتونو کې ځای پر ځای کړې دي.
د نړيوالو ځواکمنو هېوادونو ترمنځ د تاوتريخوالي او نظامي ازموینو د ډېرېدو له امله، د نړیوال امنیت په اړه اندېښنې زياتې شوي، په ځانګړې توګه په هغو هېوادونو کې لکه افغانستان چې زياته ترلاسه زيانموندنه لري. د طالبانو اداره چې لا هم نړيواله مشروعيت نه لري، د نړيوالو مسئلو په اړه چوپه خوله ده او عملاً په سيمهييزو امنيتي پرېکړو کې کوم رول نه لوبوي.
