د غزې په نوار کې د بېړنيو مرستو په وېش کې د آنروا حياتي رول ته ټينګار
د ملګرو ملتونو د فلسطينی کډوالو د مرستو او کارموندنې ادارې (آنروا) مشر ټینګار کړی چې دا اداره لا هم د غزې په نوار کې د بنسټيزو خدمتونو په وړاندې کولو کې مهم او بديل نهلري. ده ويلي، صحي، تعليمي او بشري مرستې د آنروا له لوري په پراخ ډول پرمخ وړل کېږي.
فيليپ لازاريني، د آنروا مشر، د ملګرو ملتونو د خبري مرکز سره په مرکه کې د خپل ماموريت له پای ته رسېدو مخکې څرګنده کړې چې د دې ادارې اوږدمهاله حضور، د سيمې د خلکو باور او د عملي ظرفيت درلودنه يې د غزې د فلسطينی کډوالو د ملاتړ يو له اصلي ستنو ګرځېدلې ده.
د ده په وينا، په داسې حال کې چې غزه له پېچلو بشري بحرانونو سره مخ ده، د آنروا جوړښت او خدماتي شبکه لا هم فعاله ده، او ميليونه اوسېدونکي د بنسټيزو خدمتونو د ترلاسه کولو لپاره پر دې ادارې تکيه کوي.
آنروا څو لسيزې وړاندې د فلسطينی کډوالو د ستونزو د حل لپاره رامنځته شوه او اوس په ښوونه، روغتيا او د بېړنيو مرستو په وېش کې فعاله ده. د دې ادارې رول د غزې د بشري حالت په بدلونونو کې تل د نړيوالو ادارو تر پام لاندې پاتې شوی دی.
