د ملګرو ملتونو د پرمختیايي پروګرام ملاتړ له ننگرهار کې د موبایل ترمیم روزنه کوي
د ملګرو ملتونو د پرمختیايي پروګرام (UNDP) اعلان کړی چې د یو ګډ پروژې په چوکاټ کې له څو ادارو سره په همکارۍ، د ننگرهار ولایت د سرخرود ولسوالۍ شل ځوانانو ته د مسلکي زده کړو ملاتړ کوي.
دغه څلور میاشتنی روزنیز پروګرام د موبایل یا ګرځندوی تیليفونونو په ترمیم تمرکز لري او موخه یې د ځوانانو تخنیکي مهارتونو لوړول او د کاري فرصتونو رامنځته کول بلل شوی دی.
د خپرو شویو معلوماتو له مخې، ګډونوال به د دې دورې په موده کې میاشتنی مالي مرسته تر لاسه کوي او د روزنې له پای وروسته به ورته اړین کاري وسایل ورکړل شي څو خپلواکه اقتصادي فعالیتونه پیل کړي.
یاده پروژه د ملګرو ملتونو د باور صندوق لخوا تمویلېږي او د هغو هڅو برخه ده چې د افغانستان د ځوانانو د ژوند د ښه کولو او د بېکارۍ د کچې د راکمولو لپاره ترسره کېږي، په ځانګړي ډول د اوسنیو پراخو اقتصادي محدودیتونو په شرایطو کې.
