د ملګرو ملتونو امنیت شورا د اوکراین وضعیت ارزوي
د ملګرو ملتونو امنیت شورا سبا سهشنبه، د دسمبر پر ۹مه، یوه علنې ناسته جوړوي څو د اوکراین د وروستیو میداني او سیاسي حالتونو ارزونه وکړي. د ملګرو ملتونو کې د سلوانیا دایمي استازولۍ مطبوعاتي دفتر ویلي، چې دا هېواد چې دا مهال د شورا دورهیي مشري پر غاړه لري، دا ناسته تنظیم کړې ده.
یاده ناسته به د نیویارک پر وخت لس بجې سهار (د گرینویچ پر وخت درې بجې ماښام) پیل شي او د امنیت شورا غړي به د اوکراین د جګړې وروستیو بدلونونو، د هغې بشري اغېزو او د شخړو د راکمولو لارو چارو په اړه بحث وکړي.
په سلوانیا کې په خپره شوې اعلامیه کې راغلي چې د دې ناستې د جوړېدو غوښتنه د شورا یو شمېر غړو هېوادونو لکه ډنمارک، فرانسه، بریتانیا، یونان او جنوبي کوریا کړې ده.
دغه ناسته په داسې حال کې ترسره کېږي چې د اوکراین جګړه لا هم د نړیوال امنیت له مهمو ستونزو ګڼل کېږي، او تمه ده چې د شورا غړي یو ځل بیا پر دې ټینګار وکړي چې باید تاوتریخوالی پای ومومي او نړیوال ثبات وساتل شي.
که څه هم دا موضوع د اوکراین اړوند ده، خو شنونکي باور لري چې دا ډول ناستې کولی شي د افغانستان لپاره هم الهامبښونکې وي څو نړیوال سازمانونه د طالبانو لهخوا د بشري حقونو د وضعیت او بشري کړکېچ په اړه هم په ورته ډول جدي ګامونه پورته کړي.
