تاکر کارلسون اسراییل «ویجاړونکی» وباله
د امریکا مشهور تلویزیوني کوربه تاکر کارلسون اسراییل «ویجاړونکی» وباله. کارلسون دا خبرې په یوه له خپلو ډېر کتوونکو پروګرامونو کې وکړې، چېرته یې د اسراییل د راکټي بریدونو یادونه وکړه چې پر بیروت او د سیمې پر یو شمېر ښارونو یې شوي. هغه وویل، د اسراییل کړنې له ویجاړتیا او تخریب سره تړلې دي.
کارلسون د لبنان د پلازمېنې بیروت تاریخي او فرهنګي ښکلا ته په اشارې سره وویل، دا ښار چې د منځني ختیځ له مهمو فرهنګي مرکزونو ګڼل کېږي، د اسراییلي بریدونو له امله زیانمن شوی. نوموړي زیاته کړه چې د هغه په باور، له ۱۹۴۸ کال راهیسې چې اسراییل جوړ شوی، دا هېواد تر بل هر څه ډېر د جګړو او ویجاړیو له امله پېژندل شوی دی.
دغه امریکایي کوربه، چې مخکې یې هم د امریکا د بهرنۍ تګلارې په اړه لانجمنې څرګندونې کړې وې، وویل، د خپلو سفرونو پر مهال یې په اسراییل کې د هغه څه نښې لیدلې چې ده ورته «ویجاړونکی ماهیت» ویلي. هغه د اسراییل بریدونه پر لبنان او د سیمې پر نورو برخو «د ښکلاوو پر وړاندې جګړه» وبلله.
کارلسون ادعا وکړه چې د لبنان، سوریې، فلسطین او ایران بېلابېل سیمې د اسراییل هدف ګرځېدلې دي، یو حالت چې همېشه د سیمې د خلکو د غبرګونونو او اندېښنو لامل شوی.
د دغه امریکایي خبري څېره څرګندونې په ټولنیزو شبکو کې پراخ غبرګونونه راوپارول. یو شمېر کاروونکو د هغه له خبرو ملاتړ وکړ او دا یې د اسراییلي پوځي کړنو پر وړاندې له نیوکو سره همغږې وبللې، خو ځینو نورو نظر ورکړ چې د هغه دریځ لانجمن دی.
