ټولنهیزمهم خبرونه
یونهبیتات له افغان ټولنو سره نږدې همکاري اعلان کړه
د ملګرو ملتونو د استوګنې پروګرام دفتر (یونهبیتات) ویلي چې په افغانستان کې له محلي ټولنو سره نږدې همکاري کوي، څو د اوسېدونکو اصلي اړتیاوې له نږدې درک کړي.
دغه اداره وايي، د خلکو مستقيم ګډون او خبرې اترې د اړتیاوو د پېژندنې په بهیر کې د یونهبیتات د کار مهمه برخه جوړوي؛ هغه تګلاره چې د بېلابېلو سیمو د ټولنو د نظرونو او تجربو په اورېدو ولاړه ده.
یونهبیتات ټینګار کوي چې دا ګډه طریقه د داسې پروګرامونو د طرحې او پلي کولو زمینه برابروي، چې د نازک حالت لرونکو خلکو د ژوند له شرایطو سره سمون لري.
دغه نړیواله اداره زیاتوي، چې د محلي اړتیاوو او د هرې ټولنې د ځانګړو شرایطو پاملرنه کولی شي د بشردوستانه او پراختیايي هڅو اغېز زیات کړي.
