ملګرو ملتونو د اسراییلي پولیسو برید پر د فلسطین د مرستو ادارې دفتر وغنده
په اشغالو فلسطیني سیمو کې د ملګرو ملتونو هېوادني ټیم د یوه اعلامیې په خپرولو سره د اسراییلي پولیسو او ښاري چارواکو لهخوا د فلسطیني کډوالو لپاره د مرستو او کاریابي ادارې (UNRWA) پر دفتر د زور له لارې برید په کلکه وغنده. دغه دفتر د بیتالمقدس ختیځ اړخ شیخ جراح سیمه کې موقعیت لري.
په اعلامیه کې راغلي چې د ملګرو ملتونو یاده اداره یوه رسمي تأسیسات بلل کېږي او د ۱۹۴۶ کال د ملګرو ملتونو د امتیازاتو او مصئونیتونو د کنوانسیون له مخې، هر ډول لاسوهنه، پلټنه او یا هم نیونه په دغو تأسیساتو کې منع ده. اسراییل چې د دغه کنوانسیون له لاسلیک کوونکو هېوادونو څخه دی، مکلف دی چې د کنوانسیون اصول رعایت او پلی کړي.
ملګرو ملتونو ټینګار کړی چې بې اجازې ننوتل، د اړیکو پرې کول، د ملګرو ملتونو بیرغ ښکته کول او پر ځای یې د بل بیرغ لګول د نړیوالو قوانینو جدي سرغړونه ده. په اعلامیه کې ویل شوي چې اسراییلي چارواکي باید سمدستي د ملګرو ملتونو تأسیساتو ته درناوی وکړي، وضعیت عادي حالت ته راولي، او په راتلونکي کې له ورته کړنو ډډه وکړي.
د نړیوالو چارو کارپوهان وايي چې دا ډول پېښې کولای شي د اسراییل او د ملګرو ملتونو ادارو تر منځ اړیکې خرابې کړي او یو ځل بیا د تلابیب بېپروایي د نړیوالو قوانینو پر وړاندې، څرګنده کړي.
