عبدالملک الحوثي د غزې جګړه کې د امريکا رول وغندلو
د یمن د انصارالله غورځنګ مشر عبدالملک بدرالدین الحوثي د سهشنبې په ورځ، د شهیدانو د درناوي د ورځې په مناسبت، یوې تازه وینا کې د فلسطین د کړکېچ او نورو سیمهییزو شخړو په اړه د لویدیځو هیوادونو، په تېره بیا د امريکا، سخت انتقاد وکړ.
نوموړي د یمن د خلکو تریخ تاریخ ته په اشارې سره وویل، چې دا هېواد تل د لويو فاجعو قرباني شوی، داسې فاجعې چې ولس يې پرته له دې چې جګړه کې ګډون ولري او بېله کوم دلیل خپل ژوند له لاسه ورکړی دی. ده زياته کړه، چې يوازې په تېرو دوه لسیزو کې امريکايانو د ميليونونو خلکو د وژل کېدو اعتراف کړی، چې زياتره قربانيان يې د اسلامي هېوادونو بېګناه ولسونه دي.
الحوثي شهیدان د «فداکارۍ او ایثار نښې» وبلل او ټينګار يې وکړ چې دا قشر راتلونکو نسلونو ته د پایدارتیا، عزت او وفادارۍ درس ورکوي. نوموړي وويل: هغه ټولنې چې له شهادته وېرېږي، د خپلو دښمنانو پر وړاندې تسلیمېږي او د عزت او مقاومت په اړه یې لید توکمېږي.
د انصارالله مشر وروسته د اسراییلو لخوا د غزې پر تړانګې د بریدونو موضوع یاده کړه او امريکا يې تورنه کړه چې په دې جنايتونو کې فعاله برخه لري. ده وويل، واشنګټن نه یواځې دا چې د اوربند ضمانت نه کوي، بلکې په دوامداره توګه د کړکېچ یوه برخه ده. دده په وینا، د اسراییلو رژیم په پرلهپسې ډول د بشري توافقونو مواد نقض کړي، د رفح دروازه يې تړلې ساتلې، د ټپیانو د انتقال مخه يې نیولې او لاهم مهمې زېربناوې ورانوي.
الحوثي زياته کړه، چې اسراییلو ان دا پرېکړه کړې چې د فلسطیني بنديانو لپاره د اعدام قانون تصویب کړي او زندانونه يې د شکنجې، ګواښ او سپکاوي ځایونو ته بدل شوي دي. هغه نړیوال بنسټونه «د دغو پېښو بېعمله نندارچیان» وبلل او ويې ويل چې اسلامي امت د چوپتیا او بېعملۍ له کبله ځان په کمزورۍ او ذلت کې پرېيښی دی.
د انصارالله د مشر دا څرګندونې په داسې حال کې مخې ته راځي، چې اسلامي نړۍ له يو ژور بشري بحران سره مخ ده او له همدې سره، په افغانستان کې د طالبانو اداره هم پر قومي او مذهبي اپارتاید باندې ولاستې څلور کلنې پالیسۍ تعقیب کړي دي.
