ټرंप د کاناډا پر توکو د سلو سلنې محصول خبرداری ورکړ
د امریکا د متحدو ایالتونو ولسمشر، دونالد ټرंप، خبرداری ورکړی چې که د کاناډا او چین تر منځ سوداګریز تړون وروستی شي، واشنګټن به د کاناډا له ټولو وارداتي توکو څخه ۱۰۰ سلنه محصول اخلي.
ټرمپ د شنبې په ورځ، د جنورۍ په ۲۴مه، په خپل ټولنیز شبکه «تروث» کې لیکلي چې دغه ډول تړون به د هغه په باور «کاناډا په بشپړ ډول وبلعي» او دا به د دغه هېواد پر کاروبارونو، ټولنیز جوړښت او د اوسېدونکو د ژوند طرز باندې ژور منفي اغېز ولري.
دا څرګندونې په داسې حال کې کېږي چې د کاناډا صدراعظم مارک کارني تازه چین ته سفر کړی او هڅه یې کړې چې د اوتاوا او بېجینګ ترمنځ ترینګلې اړیکې ښه کړي او د اقتصادي همکاریو لپاره نوې زمينې برابرې کړي.
د امریکا، کاناډا او چین ترمنځ سوداګریزې اړیکې د نړیوالې سیاست له حساسو موضوعاتو څخه دي، او هر ډول بدلون په دې معادله کې کولای شي چې د سیمهییز او نړیوال تجارت پر بهیر اغېزه وکړي.
