ټرمپ د مسقط خبرې اترې «ښه» وبللې
دونالډ ټرمپ، د متحده ایالاتو ولسمشر، د واشنګټن او تهران ترمنځ دوهاړخیزې نه بلکې غیرمستقیمې خبرې اترې چې د عمان په پلازمېنه مسقط کې ترسره شوې، مثبتې وبللې او ویې ویل چې دغه خبرې داسې پر مخ تللې دي چې د ایران لوری د توافق لپاره هڅه کوي.
ټرمپ رسنیو ته وویل چې امکان شته امریکا او ایران راتلونکې اوونۍ یو ځل بیا وګوري، او د هغه په وینا، د یوې هوکړې د ترلاسه کولو لپاره «بسنی وخت» شته. نوموړي د خبرو د اصلي موضوعاتو په اړه نور جزئیات ورنه کړل.
د امریکا ولسمشر، د خوښې څرګندونو ترڅنګ، یو ځل بیا د امریکا پوځي حضور ته هم اشاره وکړه او ویې ویل یو ستر سمندري بیړنی ځواک د منځني ختیځ پر لور روان دی— یوه بیانیه چې د خبرو اترو له فضا سره یو څه متفاوت لحن درلود.
دا پړاو خبرې اترې د جمعې په ورځ د عمان په کوربتوب غیرمستقیم ترسره شوې. له خبرو وروسته، د ایران د بهرنیو چارو وزیر سید عباس عراقچي وویل چې د خبرو پیل مثبت و، خو دوام یې به د پلازمېنو ترمنځ د مشورو پایلو پورې اړه ولري.
