ټرمپ د اوکراين له لوري د پوتين پر استوګنځي د بريد احتمال رد کړ
د امريکا ولسمشر ډونلډ ټرمپ اعلان کړی چې د واشنګټن په باور، اوکراين د روسيې د ولسمشر ولاديمير پوتين پر رسمي استوګنځي هېڅ بريد نهدی کړی. هغه ويلي، د دې موضوع په اړه خپاره شوي راپورونه د امريکا لهخوا نه تأيېدل کېږي.
ټرمپ دا څرګندونې هغه وخت وکړې چې يوې پوښتنې ته يې د روسيې د ولسمشر د رسمي استوګنځي د ګولۍباران د ادعا په اړه ځواب ورکاوه. نوموړي وويل: «موږ باور نهلرو چې داسې بريد شوی وي.» د هغه په وينا، پېښه په هغه سيمه کې ترسره شوې چې د پوتين له استوګنځي سره نسبتاً نږدې ده، خو دا د هغه د استوګنځي پر وړاندې نېغ بريد نهدی بلل کېدلی.
ولسمشر ټرمپ زياته کړه چې واشنګټن هيلهمند دی روسيه او اوکراين د دې شخړې د حل يوه لاره پيدا کړي او د تاوتريخوالي له پراخېدو مخه ونيول شي.
دغه څرګندونې په داسې حال کې شوي چې ټرمپ تر دې وړاندې په يوه ټيلېفوني خبرو کې خپل روسي سيال ته ويلي وو چې د ده پر استوګنځي د بريد د خبر په اورېدو حېران شوی او دا کار يې يو غيرعادي اقدام بللی و. له بلې خوا، ولاديمير پوتين خبرداری ورکړی چې دا ډول پېښه بېجوابه نهپاتې کېږي او مسکو کېدای شي د اوکراين د جګړې اړوندو خبرو اترو په بهير کې خپل دريځ بيا و ارزوي.
په عين وخت کې، د روسيې د بهرنيو چارو وزير سرګي لاوروف تازه ادعا کړې چې د دسمبر پر ۲۹مه د سهار په وخت کې اوکرايني ځواکونو د لسګونو بېپيلوټه الوتکو په کارولو د پوتين پر دولتي استوګنځي، چې د نووګورود په ولايت کې دی، بريد کړی دی؛ خو امريکا پر دې ادعا شک څرګند کړی دی.
