طالبانو د اطفائيې ۷۰ کارکوونکو ته د فراغت سندونه ورکړل شول
د طالبانو د کورنیو چارو وزارت اړوند د پېښو سره د مبارزې او اطفائيې ریاست اعلان کړی چې ۷۰ تنه کارکوونکيیې له یو تخصصي تعلیمي دورې وروسته فارغ شوي دي.
دغه فارغان چې په دې ریاست پورې اړوند تعلیمي مرکز کېیې روزنه ترلاسه کړې، د فراغت سندونه ترلاسه کړي دي.
د فراغت په مراسمو کې چې په کابل کې د دغه ریاست د مشر حافظ نورالله انصار په حضور کې ترسره شول، نوموړي له فارغانو وغوښتل چې د خپلو دندو په ترسره کولو کې لازم دقت وکړي. هغه همداراز ټینګار وکړ چې د اطفائيې مدیران باید په ۳۴ ولایتونو کې د اطفائيې د تجهیزاتو او وسایلو ساتنې ته ځانګړې پاملرنه وکړي.
دغه راز، د یاد ریاست د تعلیمي مرکز قوماندان مولوي شیرعلي مدني هم له فارغانو وغوښتل چې د اورلګېدنې د خطرونو پر وړاندې د خلکو د امنیت د تأمین لپاره مسؤلیتپذاره او هڅاند واوسي.
دغه مراسم د تصدیقنامهوو په وېش سره پای ته ورسېدل. سره له دې چې په هېواد کې د اطفائيې قوتونو روزنه یوه عاجله اړتیا ده، خو د دې روزنو تخصصيتوب او د هغو مؤثر تطبیق په داسې نظام کې تر سیوري لاندې دی چې مشروعیت او مؤثریتیې څو ځله تر پوښتنې لاندې راغلی دی. کارپوهان باور لري چې پرته له مجهزو او مسؤلو ادارو، د خلکو د امنیت تأمین او د طبیعي یا انساني پېښو پر وړاندې غبرګون به له ستر چالش سره مخ وي.
