د طالبانو د سفارت سرپرست په تهران کې د ايران د انقلاب د کليزې په مراسمو کې ګډون وکړ
د طالبانو د ادارې د سفارت سرپرست په تهران کې، مولوي فضلمحمد حقاني، د ايران د اسلامي انقلاب د اووه څلوېښتمې کليزې د لمانځنې په مراسمو کې ګډون وکړ؛ دغه مراسم د ايران د دولت د لوړو چارواکو او د بېلابېلو هېوادونو د ديپلوماټيک استازو په ګډون ترسره شول.
د طالبانو د ادارې د سفارت لهخوا په تهران کې خپرو شويو معلوماتو له مخې، دا پروګرام د ايران د اسلامي انقلاب د کليزې د نمانځنې په موخه جوړ شوی و او يو شمېر سفيران او ديپلوماټان چې په تهران کې مېشت دي، پکې برخه اخیستې ده.
له هغې راهيسې چې د طالبانو اداره پر افغانستان واکمنه شوې، د افغانستان سفارتونه په ځينو هېوادونو کې، د ايران په ګډون، د دغې ادارې د استازو تر مديريت لاندې فعاليت کوي او د کوربه هېوادونو په رسمي پروګرامونو کې ګډون کوي.
اسلامي جمهوري ايران د افغانستان له مهمو ګاونډيانو څخه شمېرل کېږي، او د ميليونونو افغان کډوالو کوربهتوب د دواړو هېوادونو اړيکې په سياسي، مهاجرتي او اقتصادي برخو کې د سيمې په کچه د پام وړ موضوع ګرځولې ده.
