طالبان: په افغانستان کې تورم به په ۲۰۲۵ کال کې دوه سلنه وي
د طالبانو د ادارې ویاند ذبیحالله مجاهد د نړیوال بانک د راپور یوه برخه خپره کړې او ویلي یې دي چې د ۲۰۲۵ کال لپاره په افغانستان کې د تورم کچه به په منځني ډول دوه سلنه وي؛ عدد چې د ده په وینا، د سیمې د تر ټولو ټیټو تورمونو له ډلې څخه شمېرل کېږي.
د راپور له مخې، د خوراکي توکو د بیو نسبي ثبات او د افغانیو ارزښت پیاوړتیا د دې وضعیت اصلي عوامل ګڼل شوي دي. نړیوال بانک معمولاً په خپلو ارزونو کې ستر اقتصادي شاخصونه، لکه بیې او مالي حالت ارزوي.
خو اقتصادي کارپوهان تل ټینګار کوي چې لوی شمېرې تل د هېواد د ټولو اوسېدونکو د ژوندانه وضعیت نه منعکسوي. په داسې حال کې چې افغانستان له پراخې بیکارۍ، فقر او سختو اقتصادي محدودیتونو سره مخ دی، منتقدان وايي چې د طالبانو د ادارې تمرکز پر عمومي شمېرو باید د خلکو د ورځنیو ستونزو او د شفافو اقتصادي سیاستونو د نشت پر وړاندې د حساب ورکونې بدیل نه شي.
