د صمود نوې بیړۍ به بیا فلسطین ته روانه شي
د عربي نړۍ د خلکو د هڅو په دوام کې، څو تنو تونسي فعالانو او د نورو عربي هېوادونو د هغوی متحدانو د یوې نوې بیړۍ د چمتو کولو چارې پیل کړې، څو د غزې تړانګې کلابندۍ ته د پای ټکی کېږدي. دا ځل، د پخوانیو پړاوونو برخلاف، تونس د کښتیو د راټولېدو ځای نه دی ټاکل شوی، بلکې یواځې د تګ د مسیر په توګه کارول کېږي.
د دغو هڅو له تنظیموونکو سره نېږدې سرچینو د راپور پر بنسټ، ټاکل شوې چې نوې بیړۍ به په راتلونکو میاشتو کې د پخوانیو پړاوونو په پرتله له ډېرو کښتیو او په نوي ډول فلسطین ته وخوځي. دا ځل، الجزائر، لیبیا او موریتانیا د کښتیو د ملاتړ اساسي مرکزونه ټاکل شوي دي او اټکل کېږي چې د لیبیا د طرابلس او مصراته بندرونه به ورڅخه کار واخیستل شي.
ورسره په څنګ کې، یوه بله ځمکنۍ کاروان چې بشري مرستې لېږدوي، هم ځای پر ځای شوې ده. دا کاروان به له موریتانیا نه حرکت وکړي، له لیبیا او مصر نه به تېر شي او په پای کې به د غزې تړانګې په پوله د رفح لاره ته ورسېږي.
سره له دې چې ځینې محدود اوربندونه عملي شوي، غزه لاهم د اسرائیلي رژیم تر هر اړخیزې کلابندۍ لاندې ده او د دې سیمې خلک لاهم له بنسټیزو توکو، دواګانو او بشري مرستو څخه شدید محدود لاسرسی لري. دا هڅې په داسې حال کې روانې دي، چې د طالبانو اداره تر اوسه د فلسطین د بشري وضعیت په اړه هېڅ رسمي غبرګون نه دی ښودلی، سره له دې چې د سیمې له بحرانونو سره د چوپ پاتې کېدو په تور نیوکه پرې کېږي.
