د طالبانو د غذا او دارو بورد د وارداتو څارنه او د احتکار مخنیوي ته لوړ لومړیتوب ورکوي
د طالبانو د حکومت تر ادارې لاندې د غذا او دارو بورد یو ناسته د ریاستالوزرا اداري مرستیال، مولوي عبدالسلام حنفي، په مشرۍ ترسره شوه، چې پکې د وارداتو او د غذايي موادو او دارو د وېش پر سختې څارنې ټینګار وشو.
په پیل کې، د بورد غړو د خپلو کړنو او فعالیتونو راپورونه وړاندې کړل چې په ځانګړي ډول یې د ورکړل شوو دندو د پلي کېدو څرنګوالی، او د موادو د واردولو او کیفیت ارزونې برخو ته تمرکز درلود.
همداراز، په ناسته کې د دارو او اړوندو توکو د وارداتو پروسه آسانه کولو په اړه خبرې وشوې، او ګډونوالو له اړوندو ادارو وغوښتل چې د اداري خنډونو د کمولو لپاره ګډ اقدامات وکړي.
په ناسته کې یو له مهمو بحثونو څخه د دارو په بازار کې د احتکار او فساد مخنیوی و، او بورد ټینګار وکړ چې باید د کابل او نورو ولایتونو د تولید او وارداتو مرکزونه لا زیات تر څار لاندې ونیول شي تر څو دارو او خوراکي توکي په شفاف او عادلانه ډول وویشل شي.
سره له دې چې بورد پر څارنه ټینګار درلود، خو یو شمېر هېوادوال د طالبانو د ادارو له خوا د شفافیت له نشتوالي شکایت لري او وایي چې فساد، د حساب ورکونې نشتوالی او مؤثره څارنه نهشتوالی، د روغتیايي وضعیت د ښه والي مخه نیولې ده.
