مهم خبرونهنړیوال
د سعودي وليعهد او د آلمان صدراعظم په رياض کې وکتل
محمد بن سلمان، د سعودي عربستان وليعهد، د چهارشنبې ماښام په رياض کې د آلمان صدراعظم فريدريش مرتس سره وکتل او خبرې اترې يې وکړې.
دا لېدنه د يمامه ماڼۍ د ناستې تالار کې ترسره شوه او د هغې اصلي موضوع د دواړو هېوادونو د دوه اړخيزو اړيکو ارزونه او د ګډو همکاريو د پراختيا لارې چارې وې.
د سعودي عربستان د رسمي خبري آژانس د راپور له مخې، دواړو لوريو د سيمهييزو او نړيوالو تحولاتو په اړه هم نظرونه تبادله کړل او د دغو پېښو اړوند د هڅو په اړه يې خبرې وکړې.
په دې غونډه کې د دواړو هېوادونو يو شمېر لوړپوړي چارواکي هم حاضر وو، چې دا کار د رياض او برلين ترمنځ د سياسي او ديپلوماټيکو اړيکو په چوکاټ کې د دې ليدنې اهميت څرګندوي.
