سعودي عربستان د اسرائيل له خوا پر جنوبي سوريې برید غندلی
د اسرائيلي ځواکونو له خوا د سوريې د جنوب په بيتجن سيمه کې تر مرګوني برید وروسته، سعودي عربستان په يوه بيان کې دا اقدام غندلی او هغه يې “روڼ تيري” بللی دی. يادې سيمې ته نزديک دمشق ته موقعيت لري، او د دغه برید له کبله لږ تر لږه ۲۰ کسان وژل شوي دي.
د سعودي عربستان د بهرنيو چارو وزارت په خپل بيان کې له سوريې پر خاوره د اسرائيلو د هر ډول نظامي بريد پر وړاندې د رياض قاطع مخالفت څرګند کړی او ټينګار يې کړی چې دا بریدونه د سوريې امنيت او ثبات ته جدي ګواښ پېښوي.
په دغه دريځ کې، سعودي عربستان له ملګرو ملتونو او د امنيت شورا له غړو غوښتنه کړې چې د دا ډول پوځي بریدونو د تکرار پر وړاندې ودريږي او د سوريې له حاکميت او وګړو، په تېره د پولو پر سيمو کې د مېشتو خلکو، ملاتړ وکړي.
رياضي همدارنګه د هېوادونو د ځمکنۍ بشپړتيا د ساتنې او پر جګړهځپلو سيمو کې د ملکي وګړو د امنيت درناوي په تړاو د نړيوالو پرېکړو او قوانينو د عملي کېدو پر اړتيا ټينګار کړی.
په سوريه کې د اسرائيلي ځواکونو پوځي بریدونو دوام، د سيمهييزې بېثباتۍ د پراخېدو اندېښنې زياتې کړي؛ حال دا چې د امنيت شورا او نړيوالې ادارې د دغې وضعې پر وړاندې چوپ پاتې دي، او دا چپتيا يو ځل بيا پر نړيواله ټولنه د کمزوري غبرګون نيوکې راوپارولې دي.
