په پنجشېر کې د ښوونځي د سوځولو انځورونو خپرولو له امله يو ښوونکی نيول شوی
په پنجشېر ولایت کې ځايي سرچينې وايي چې د طالبانو ادارې عبدالبصير سنګي، د يو ښوونځي ښوونکی او د آبشار ولسوالۍ د ځوانانو رئيس نيولی دی.
د سرچينو په وينا، سنګي د چهارشنبې په ورځ، د قوس پنځمه نېټه، د آبشار ولسوالۍ د سنګيخان سيمې څخه نيول شوی دی. د هغه د نيول کېدو لامل دا ښودل شوی چې هغه د يو ښوونځي د سوځولو انځورونه خپاره کړي وو، کوم چې د طالبانو له خوا سوځول شوی و.
ځايي سرچينې زياتوي چې شاوخوا يوه اوونۍ وړاندې طالبانو د آبشار ولسوالۍ د پرنگال سيمې يو ښوونځی په مشکوکه توګه سوځولی و. وروسته له هغې چې د دې پېښې انځورونه په ټولنيزو شبکو کې خپاره شول، د پنجشېر د طالبانو امنيه قوماندانۍ دا ښوونکی ونيوه.
راپورونه ښيي چې دا يوازينی مورد نهدی چې طالبان د ښوونيزو بنسټونو پر وړاندې تاوتريخوالی کړی. په تېرو څو کلونو کې، د طالبانو ادارې په پنجشېر کې ګڼ ښوونځي سوځولي دي، چې پکې د ولايت په مرکز کې د بيبيهوا د نجونو لېسه، د پريان ولسوالۍ د ميرزا عبدالغفور يعقوبي لېسه، او د حصې اول ولسوالۍ د دشتريوت د نجونو لېسه شاملې دي.
د طالبانو لهخوا د دا ډول کړنو دوام نه يوازې د ښوونې بنسټونه له ګواښ سره مخ کړي، بلکې د ښوونکو او زدهکوونکو روانه امنيت هم زيانمنه کړې ده. د سيمې اوسيدونکي او ټولنيز فعالان د معارف پر وړاندې دې چلند سخت غندي او له طالبانو غواړي چې پر ملکي خلکو د وېري او بدل اخيستنې فضا ختمه کړي.
