نی له نړیوالې ټولنې د طالبانو لپاره د سفر محدودیت غوښتنه وکړه
د افغانستان د آزادو رسنیو ملاتړې ادارې «نی» چې اوس له هېواده بهر فعالیت کوي، د نړۍ له ټولنو غوښتي چې د طالبانو د ادارې استازو ته د بېمحدودې سفر اجازې مخه ونیسي.
نی دغه غوښتنه د نومبر درېیمې، چې د خبریالانو پر وړاندې د معافیت د پای ته رسولو نړیواله ورځ ده، په مناسبت کړې ده.
د نی په یوه اعلامیه کې راغلي چې طالبان په تېرو څلورو ویشتو کلونو کې په افغانستان کې د ۱۷۰ څخه د زیاتو خبریالانو او د رسنیو کارکوونکو د وژنې مستقیم مسئول دي، او دا ډله د آزادو رسنیو د جوړښت د نړېدو اصلي عامل ګڼل شوې ده.
یادې ادارې خبرداری ورکړی چې سربېره پر دې چې د ملګرو ملتونو لهخوا تور لېست جوړ شوی او د ځینو هېوادونو له خوا طالبان تعقیب او محاکمه کېږي، خو د دې ډلې چارواکي لا هم آزادانه د آسیا، اروپا او افریقا هېوادونو ته سفرونه کوي.
نی ټینګار کړی چې د تېرو دوو لسیزو رسنیز پرمختګونه، چې د افغان خبریالانو، د خلکو د ملاتړ او د نړیوالې ټولنې د مرستو په مرسته رامنځته شوي وو، د طالبانو د سختدریځي او فشار اچوونکي چلند له امله له منځه تللي دي.
برابر د نی د اعلامیې له مخې، طالبانو نه یوازې په وروستیو څلورو کلونو کې خواله ټولې رسنیزې ادارې له منځه وړي، بلکې د تېرو شلو کلونو په اوږدو کې د خبریالانو پر وړاندې د ۲۰۰۰ څخه د ډېرو فزیکي او رواني تاوتریخوالي پېښو لکه وژنې، تښتونې او غیرقانوني نیونو مسئول هم دي.
نی په پای کې د نړۍ له هېوادونو غوښتي چې د طالبانو د استازو، نامنهاد وزیرانو او لوړپوړو چارواکو لپاره د ویزو له ورکړې ډډه وکړي. دا اداره وایي چې دا کار کولای شي د هغو کسانو لپاره چې پر خبریالانو د تاوتریخوالي کارونه عادي ګڼي، یو مخنیوی کوونکی پیغام ولېږي.
