پاکستاني ځواکونو د کنړ پر ناري او مرورې ولسوالیو ۲۴ د توپ مرمۍ ویشتلي دي
د کنړ د اطلاعاتو او فرهنګ ریاست وايي، په تېرو ۲۴ ساعتونو کې پاکستاني پوځیانو د دې ولایت د ناري او مرورې ولسوالیو پر سیمو ۲۴ د توپ مرمۍ ویشتلې دي. د دې ریاست د اطلاعاتو امر ضیاءالرحمن سپینغر وایي، په دې بریدونو کې هېڅ ډول تلفات نهدي اوښتي.
هغه زیاتوي چې دا مرمیويشتل په داسې حال کې شوي، چې د طالبانو اداره د اختر د ورځو په مناسبت اوربند اعلان کړی و. خو، ځايي چارواکي ادعا کوي چې پاکستاني لوري له اوربند د اعلان له لومړیو ورځو راهیسې څو ځله سرغړونه کړې ده.
د کنړ سرحدي سیمو اوسېدونکو مخکې هم د ورته پېښو د تکرار په اړه اندېښنه څرګنده کړې وه. د دې حالت دوام پوښتنې راپورته کړې چې د طالبانو اداره به څنګه د سرحدي سیمو امنیت او د دواړو لوریو ترمنځ د کړکېچونو مدیریت یقیني کوي.
کنړ ولایت د افغانستان په ختیځ کې د پاکستان سره پر پوله پروت دی، او په تیرو کلونو کې یې هم څو ځله د دواړو لوریو ترمنځ د پولو پر سر نښتې او ترینګلتیاوې لیدلې دي.
