راپورونه: د پاکستان پولیسو له يو افغان کډوال سره ناوړه چلند کړی
راپورونه وايي چې د پاکستان پولیسو یو افغان کډوال د هغه له څرګندونو وروسته توقیف کړی او ورسره یې ناوړه چلند کړی دی. دغه څرګندونې هغه په ټولنیزو رسنیو کې د «لويې افغانستان» د مفهوم په اړه کړې وې.
دا پېښه وروسته له هغه وشوه چې د شاهنواز په نوم د دې کس یو ویډیو په مجازي فضا کې خپره شوه؛ په دې ویډیو کې هغه د خیبر پښتونخوا ولایت د لويې افغانستان برخه بللې وه. ویل کېږي پولیسو له نیولو وروسته هغه فزیکي ځورولی او اړ کړی چې اعتراف وکړي.
شاهنواز په خپلو وروستیو څرګندونو کې ویلي چې له خپل پخواني دریځه نه دی تېر شوی او لا هم په خپل نظر ټینګ ولاړ دی. د ده په وینا، هیله لري چې د پښتونخوا سیمه، چې هغه یې د فشار لاندې سیمه بللې، یوه ورځ له لويې افغانستان سره یوځای شي.
دغه راپورونه په داسې مهال خپرېږي چې د افغان کډوالو وضعیت په ګاونډیو هېوادونو کې، په ځانګړي ډول د امنیتي بنسټونو د چلند او د هغوی د بشري حقونو د خوندیتوب په برخه کې، تل د بشري حقونو د بنسټونو د اندېښنو او نيوکو موضوع وي.
