د پاکستان او ایران د بهرنیو چارو وزیرانو تلیفوني خبرې وکړې
د پاکستان د بهرنیو چارو وزارت اعلان کړی چې اسحاق ډار، د دې هېواد د بهرنیو چارو وزیر او د لومړي وزیر مرستیال، د ایران د اسلامي جمهوریت له بهرنیو چارو له وزیر عباس عراقچي سره د یوې تلیفوني اړیکې له لارې د دوه اړخیزو اړیکو او د سیمې د وضعیت په اړه خبرې کړې دي.
د رسمي خبرپاڼې له مخې، دواړو لورو په دې اړیکه کې د سیمې د روانو بدلونونو په اړه خپلې لیدنې شریکې کړې او د اسلاماباد او تهران تر منځ د نژدې همکارۍ د دوام غوښتنه یې وکړه، څو د سیمې سولې او پرمختګ ته وده ورکړي.
په خبرو کې دغه راز په سوداګرۍ، سیمهییز اتصال او د خلکو تر منځ د همکاریو پر پراختیا ټینګار شوی دی؛ هغه برخې چې د دوه اړخیزو اړیکو د ښهوالي لپاره مهمې ګڼل کېږي.
پاکستان او ایران، چې دوه ګاونډي هېوادونه دي، په تېرو کلونو کې هڅه کړې ده د دیپلوماتیکو خبرو له لارې خپلې سیاسي او اقتصادي اړیکې وساتي او مدیریت یې کړي، خو سیمهییزو ننګونو تل په دغو تعاملاتو سیوری غوړولی دی.
