د ملګرو ملتونو انکشافي پروګرام استازي په افغانستان کې له زيانمنو ټولنو سره وليدل
د ملګرو ملتونو د پرمختيايي پروګرام (UNDP) ويلي، چې شاکون اودا، د دې ادارې يو لوړپوړی استازی، افغانستان ته د خپل سفر په ترڅ کې له هغو سيمو ليدنه وکړه چې خلک یې د زلزله، اقتصادي ستونزو او بېځايه کېدو له امله زيانمن شوي دي.
د UNDP په وينا، د دې سفر موخه د ځايي ټولنو د حالت ارزونه، او د هغو ابتکاراتو معاينه وه چې د خلکو په مشرۍ د بيا رغونې او مقاومت د پياوړتيا لپاره پيل شوي دي. نوموړي ليدنو کې د خلکو هڅو ته پام شوی، کومې چې د ورځني ژوند بېرته راژوندي کولو او تدريجي ثبات ته راستنېدو لپاره تر سره شوي.
په راپور کې ويل شوي، چې ښځو ته د معيشت زمينې برابرولو، په ټولنيزه سطحه د کار د فرصتونو رامنځته کولو او د تجدید وړ انرژۍ له حللارو څخه استفاده باندې ځانګړی تمرکز شوی دی؛ دا هغه برخې دي چې اوسنيو شرايطو، په ځانګړي ډول د طالبانو تر واک لاندې، ورسره جدي محدوديتونه او ننګونې شته.
UNDP ټينګار کړی چې پر ټولنه ولاړو ابتکاراتو ملاتړ، د افغانانو د مقاومت د لوړولو لپاره مهم رول ادا کولی شي، خو د دې هڅو دوام، مساعد چاپېريال، برابر لاسرسی او د هغو محدوديتونو لرې کولو ته اړتيا لري چې د خلکو د ژوند د ښه والي بهير ورو کړی دی.
