پاکستان وايي په بلوچستان کې ۱۴۵ وسلهوال مخالفان وژل شوي دي
د پاکستان چارواکي وايي، د دغه هېواد امنیتي ځواکونو په تېرو ۴۰ ساعتونو کې د بلوچستان په ایالت کې د پراخو عملیاتو پر مهال ۱۴۵ وسلهوال مخالفان وژلي دي. دا معلومات د یکشنبې په ورځ د رویټرز خبري اژانس د پاکستاني چارواکو له قوله خپاره شوي دي.
د راپور له مخې، دا عملیات د بلوچستان په بېلابېلو برخو کې ترسره شوي او موخه یې د امنیتي ګواښونو مهار بلل شوې ده. پاکستاني چارواکو د نښتو د دقیقو سیمو او یا د وسلهوالو د ډلو د هویت په اړه نور جزییات نه دي ورکړي.
د بلوچستان اعلی وزیر ویلي، دا عملیات په داسې حال کې شوي چې دا ایالت له وروستیو کلونو راهیسې له یوې له مرګژوبلو ډکو ناامنيو سره مخ دی. نوموړي ټینګار کړی چې د تاوتریخوالي زیاتوالی د سیمهییزو چارواکو لپاره جدي امنیتي اندېښنې رامنځته کړې دي.
بلوچستان، چې د پاکستان په سوېل لوېديځ کې موقعیت لري، په تېرو کلونو کې څو ځله د امنیتي ځواکونو او وسلهوالو ډلو ترمنځ د نښتو شاهد پاتې شوی دی؛ داسې حالت چې لا هم د دې سیمې د اوسېدونکو لپاره درانه انساني او امنیتي زیانونه اړوي.
