مهم خبرونهنړیوال
د نيكولاس مادورو د امريکايي مخدره موادو د ادارې تر بند يو نوی ويډيو خپور شو
امريکايي رسنيو راپور ورکړی چې د نيكولاس مادورو يو نوی ويډيو د امريکا د مخدره موادو د مبارزې د ادارې تر بند خپور شوی او نوموړی د نيويارک متروپوليټن د توقيف مرکز ته ليږدول شوی دی.
د دغو راپورونو له مخې، مادورو له لومړنيو د بند د کړنلارو وروسته د متروپوليټن توقيف مرکز ته انتقال شوی، چې د نيويارک ښار له فدرالي توقيف ځایونو څخه ګڼل کېږي.
د نيويارک متروپوليټن توقيف مرکز معمولاً د هغو مظنونانو او تورنو کسانو د ساتلو لپاره کارول کېږي چې د هغوی دوسيې د امريکا په فدرالي محاکمو کې تر څېړنې لاندې وي. لا تر اوسه د مادورو د حقوقي حالت په اړه رسمي جزئيات نه دي اعلان شوي.
همدارنګه، د امريکا چارواکو تر دې دمه د خپور شوي ويډيو د منځپانګې او د قضیې د راتلونکي پړاو په اړه نور جزئيات نه دي څرګند کړي.
